Hezkuntza sistema propioaren alde milaka lagun Bilbon

Ver el tema anterior Ver el tema siguiente Ir abajo

Hezkuntza sistema propioaren alde milaka lagun Bilbon

Mensaje  Sertutxa el Lun Mar 15, 2010 12:09 am

Inposaketarik gabeko hezkuntzaren aldarria

Jai giroan aldarrikatu dute milaka lagunek euskal hezkuntza sistema propioa Bilboko kaleetan

Belaunaldi berrien erdalduntzea, Euskal Herria eskola liburuetatik ezabatzea, haur eskolak haurren aparkaleku bilakatzea eta beste «hamaika eraso» pairatzen ari da irakaskuntza azkenaldian. Hala azaldu zien Edurne Larrañagak, EHBE Euskal Herriak Bere Eskola ekimeneko kideak, Bilboko Arriaga plazan bildutako milaka lagunei. «Eraso gero eta larriagoei» erantzuteko deitu zuen EHBEk atzoko nazio manifestazioa, eta, termometroari aurre eginda, hiriburuko kaleak betetzera atera ziren ehunka ikasle, irakasle, guraso eta euskal hezkuntza sistema propioa eskatzen duten beste mila herritar.

Manifestazioa hasi aurretik ekitaldi labur bat antolatu zuten. Txalapartarekin hasi, eta, jarraian, Hodei Iruretagoiena eta Eneko Lazkoz bertsolariek euskal hezkuntza sistema kinka larrian dagoela irudikatu zuten. Hezkuntza legeen «inposaketak» salatu zituzten, eta hurrena D eredua debekatzea izango dela kantatu zuten. Elkarlana , alabaina, «erasoaldia» gelditzeko gai dela azpimarratu zuten, aurrean bildutakoen txalo luzeen artean.

Bertsolarien ostean abiatu zen, arratsaldeko seiak baino minutu batzuk lehenago, Inposaketarik ez! Euskal Herriak bere hezkuntza lema zuen pankarta, eta, haren atzetik, Arriagan bildutako guztiak.

Ezohiko bidetik

Ohikoa baino ibilbide laburragoa egin zuen atzoko manifestazioak. Kale Nagusitik jarraitu beharrean, Plaza Biribilera heldu eta udaletxerako bidea hartu zuen. Bihurgune hartan, ikasle mugimenduko kideek irakaskuntzak pairatzen dituen erasoetako batzuk salatu zituzten. Errepidean jarritako aulkien gainean zutik, salatu egin zituzten jaiegun eta mapa arrotzak, «campus polizialak», kontrol soziala eta greba eskubidea urratzea.

Ibilbide osoan ez ziren falta itsasgarriak eta deialdiaren adierazpena banatzen zituztenak. Ez zen, aldiz, aldarrikapenik oihukatu. Manifestazioak, hala ere, jai giroan egin zuen aurrera. Trikitilariak lehenengo, joaldunak gero, eta, udaletxetik abiapunturako bidean, perkusio talde batek gorputza dantzan berotzeko aukera eman zuen.

Berrogei minutu inguruko martxaren ostean amaierako ekitaldia hasi zuten, norekin eta Txan magoarekin, gaztetxoen gozamenerako. Bertsolariak bueltatu ziren gero, eta, azkenik, ikasle baten, irakasle baten eta guraso baten ikuspegitik, azaldu egin zituzten Euskal Herriaren izaera eta euskara bera errespetatzen ez dituen hezkuntza sistemaren gabeziak.

EHBEko ordezkariak «hitzetatik ekintzetara» pasatzeko garaia dela esan zien Bilbon bildutakoei: «Mugarri bat jarri dugu bidean; beste bat gehiago Hezkuntza Sistema nazionalaren bidean». Larrañagak, halaber, eskatu zuen ez onartzeko administrazioetatik «euskara desagerrarazi eta Euskal Herria galarazteko inposatu nahi dituzten neurriak».

Manifestazioan euskal gizarteko jende ezagunak izan ziren. Besteak beste, Iñaki Antiguedad EHUko irakaslea, Jon Aritz Bengoetxea EAko kidea, Gazte Abertzaleak taldeko Maider Carrere, Tasio Erkizia ezker abertzalekoa, Sonia Gonzalez eta Jon Urrusolo LABeko kideak. Antiguedadek esan zuen nazio izaera aldarrikatzen duen ororentzat «hezkuntza funtsezkoa» dela. «Bi eleko sistema gorpuztu gabe, arriskutsua da hirugarren hizkuntza bat sartzea», iritzi dio. Erkiziaren irudiko, Gasteiztik eta Iruñetik euskal gizartea espainolizatzeko helburua dute. «Curriculumak bertako hizkuntza, historia eta izaera oinarri izan behar ditu». Urrusolok, berriz, inposizioa salatu zuen: «Hezkuntzan hartzen ari diren erabakietan langileak kontuan ez dituzte hartzen».

Argazkiak:





avatar
Sertutxa

Mensajes : 24
Fecha de inscripción : 07/03/2010
Localización : Euskal Herria

http://www.sestaokogazteasanblada.org

Volver arriba Ir abajo

Ver el tema anterior Ver el tema siguiente Volver arriba


 
Permisos de este foro:
No puedes responder a temas en este foro.