Presentación de Conceyu Abiertu en Xixón

Ver el tema anterior Ver el tema siguiente Ir abajo

Presentación de Conceyu Abiertu en Xixón

Mensaje  Andalus el Vie Feb 18, 2011 4:34 am


El Salón d'Actos de la Biblioteca Xovellanos de Xixón acoyerá'l prósimu 19 de febreru la presentación de Conceyu Abiertu, una nueva iniciativa política afitada na xunidá d'aición dende la base y na que s'axunten persones de distintos ámbitos.

Conceyu Abiertu promoverá la formación de candidatures d'unidá popular nes prósimes elleiciones de mayu al traviés d'agrupaciones de ellectores, lo que supón una novedá nel ámbitu políticu asturianu y una apuesta pola participación de base.

La iniciativa soberanista surde del alderique entamáu estos últimos meses sobre la situación política asturiana y la necesidá d'abrir un marcu de trabayu abiertu, ampliu y plural.

Asina, el sábadu 19 de febreru [a les 13 hores], nun actu públicu en Xixón, va presentase Conceyu Abiertu, el so manifiestu y desplicarase'l por qué del proyectu y los sos oxetivos.

Fonte: InfoAsturies

------------------------------------------------------

A la fin, a les 13.00 hores del sábadu 19 va presentase'l movimientu ciudadanu Conceyu Abiertu. El actu públicu va cellebrase nel Salón d'Actos de la Biblioteca Xovellanos de Xixón y nél va dase llectura a un Manifiestu fundacional, va desplicarse'l procesu que fizo posible y necesaria la criación de Conceyu Abiertu asina como la nueva metodoloxía política que va dir desendolcando esti movimientu.

Conceyu Abiertu ta estructurándose como una rede de plataformes asamblearies a nivel de conceyu, y nesta dinámica tien como referencia la esperiencia catalana de les CUP. Dempués del actu políticu, al que tan convidaes toles persones interesaes, va cellebrase una espicha nel Centru Social L’Ayalga de Xixón.
avatar
Andalus

Mensajes : 125
Fecha de inscripción : 06/03/2010
Localización : Málaga (Andalucía)

http://jaleomalaga.blogspot.com

Volver arriba Ir abajo

Ver el tema anterior Ver el tema siguiente Volver arriba

- Temas similares

 
Permisos de este foro:
No puedes responder a temas en este foro.